Tu si' Napule lyrics

Dint'a st'aria fresca 'e matina

Mentre 'a notte se va a cuccà

Scengo a ppere Santa Lucia

Comm'è bello a te cammenà

Ogni preta è 'nu mandulino

Ca è stanco 'e nun sunà

E 'a voce 'e tutt'e viche

Si' tu ca vuò cagnà

Napule

Tu si' oggi, si' ajere

Sì' 'nu mare 'e penziere

Si' Napule

Si' 'na pagina 'e storia

Ca io leggo int'all'uocchie 'e mammà

Ca ormai s'è fatta viecchia

Tu si' Napule

Tu nun tiene fruntiere

Si' 'na sola bandiera

Si' Napule

Si' 'a vittoria 'e chi perde

E nun sape qual è 'a verità

Nun passa maje 'a nuttata

Pe 'e figlie 'e 'sta città

Cammenanno pe' Margellina

Sento addore d'a libertà

E 'stu mare, ca è pure 'o mio

S'è spurcato pe' 'sta città

Assumiglia a 'stu scugnezziello

Ca nun se vo' fermà

Se 'nventa mille storie

Pur'isso adda mangià

Napule

Tu si' oggi, si' ajere

Sì' 'nu mare 'e penziere

Si' Napule

Si' 'na pagina 'e storia

Ca io leggo int'all'uocchie 'e mammà

Ca ormai s'è fatta viecchia

Tu si' Napule

Tu nun tiene fruntiere

Si' 'na sola bandiera

Si' Napule

Sì 'o curaggio d'a gente

Ca crede 'e buscie pe' campà

E aspetta 'n'ato juorno

E 'o Napule che ffà?

Napule...

• Artist:Nino D'Angelo
• Album:Musicammore (1994)