Trapenarella lyrics

Trapenarella c'ò trapanature

Trapena 'a mamma e 'a figlia pure

E trapenianno 'mmiezo a 'sti guaie

Canto 'a canzone d'a cuccuvaia

'Na signorina cammina p'a strada

'Nu giuvinotto lle fà 'na guardata

E chella ch'è subito fammena onesta

Arato 'o portone s'alza 'a vesta

San Gennà pienzace tu

Ca tanto d'è corna non se campa cchiù

'Nu preveto 'ncoppa all'altare maggiore

Te pare 'nu santo predecatore

Ma quanno va rinto 'a sacrestia

Vò mille lire p'a Ave Maria

San Gennà, tu vide a chiste

'Mbrogliano pure a Gesù Cristo

Nuce, nocelle, castagne 'nfurnate

Quante paise aggio curriato

'A Torre d'o Grieco à Nunziata

E quante guaie aggio truvato

E quante difiette c'aggio cantato

'E cul'a mappata sò veneziane

'E magnapolenta songo è Milano

'E meglie cantante stanno a Giuliano

'E tirapistole stanno a Casale

'E facce toste songo italiane

'E cchiù mafiuse sò siciliane

E pò è sbruffune songhe è rumane

'E fammene belle sò napulitane

'E mazz'è scope sò americane

'E mbruogliamestiere sò ll'ingegnere

'E 'mbruogliamalate sò ll'avvocate

'E prievete snghe è zucalanterne

'E cchiù mariule stann'ò guverno

San Gennà dice ca sì

Chi o ssape comme và a ffernì

'Na signorina pe' via Dei Mille

S'ha miso 'a parrucca 'a copp'è capille

Quanno và a casa se magna 'e purpette

E chi tane famme guarda 'e rimpette

'Nu giuvinotto cu è sorde d'o pato

S'accatta 'o cazone mpusunato

Pò và dint'a machina allero allero

E vvò menà sotto a chi va a ppere

E cunuscite a sti 'milorde'

E chille stanno 'nguaiate 'e sorde

È nate sò tante scurnacchiate

E ccampano 'ncopp'a famme 'e ll'ate

San Gennà, pienzace tu

Ca tanto de 'mbruoglie non se campa cchiù

Me ne vaco pè sotto 'o muro

E sento addore dè maccarune

Me ne vaco pè Qualiano

Sento addore d'è parane

Me ne vaco pò Ranatiello

E sento addore d'è friarielle

Ma si vaco add'ò putecaro

Tutte cosa va cchiù caro

Ma verite quanno maie

Sta miseria va aumentano

E aumenta oggi e aumenta dimane

E doppodimane

Sabato sì e Dummeneca no

Chi fatica se more è famme

'Na vota ca sì e 'na vota ca no

Chi fatica se more 'e famme

'Na vota ca sì e 'na (vota ca no)

• Artist:Nuova Compagnia di Canto Popolare
• Album:Tarantella ca nun va 'bbona (1975)