Ti rigaru una canzona [Italian translation]

Sarru l'occi e probu a immaginà

dui parauri chi t'hai d'ammintà.

Mi bastha chi veggu l'occi toi

e lu cori meu si poni a cantà.

Lu varori chi aggiu daddu a te

soru tu abà lu poi difindì.

Un'asthra canzona nasci inogghi

pinsendi a te chi sei affaccu a me.

Candu lu cori m'hai furaddu

eu l'amori aggiu cunisciddu:

ti rigaru chistha canzona

acchì tui la vidda m'hai rigaraddu.(x2)

Chiss'affettu chi dai soru tu

eu nò possu fanni a mancu più:

una vidda nò mi pò basthà

fai chi puru in zeru ti possia amà.

Tantu chi aggiu già avvisaddu a Deu

una dì candu abaremmu a azzà.

Li parauri mi l'ammentu ancora

candu abì fattu prummissa a me.

Candu lu cori m'hai furaddu

eu l'amori aggiu cunisciddu:

ti rigaru chistha canzona

acchì tui la vidda m'hai rigaraddu.

• Artist:Fabrizio Casu