Na sera 'e Maggio [English translation]

Quanno vien'a 'appuntamento

guarde 'o mare, guard' 'e ffronne,

si te parlo nun rispunne,

staje distratta comm'a che.

Io te tengo dint' 'o core,

sóngo sempe 'nnammurato

ma tu, invece, pienze a n'ato

e te staje scurdanno 'e me.

Quanno se dice "sì"

tiènelo a mente.

Nun s'ha da fá murì

nu core amante.

Tu mme diciste "sì" na sera 'e Maggio

e mo tiene 'o curaggio 'e mme lassà.

St'uocchie tuoje nun só' sincere

comm'a quanno mme 'ncuntraste,

comm'a quanno mme diciste:

"Voglio bene sulo a te".

E tremmanno mme giuraste,

cu na mano 'ncopp' 'o core:

"Nun se scorda 'o primmo ammore".

Mo te staje scurdanno 'e me.

Quanno se dice "sì"

tiènelo a mente.

Nun s'ha da fá murì

nu core amante.

Tu mme diciste "sì" na sera 'e Maggio

e mo tiene 'o curaggio 'e mme lassà,

e mo tiene 'o curaggio 'e mme lassà.

• Artist:José Carreras