Masters of War [Latin translation]

Huc venite, domini bellatores,

vos, qui bellica tormenta fabricamini

atque mortiferas aëronaves

atque omnis speciei pyrobolos

vos, qui muris occultamini,

vos, qui sub scriptoria latetis

hoc tantum volo, ut sciatis

me videre posse per vestras personas

Vos, qui nihil umquam fecistis

nisi construere ad destruendum,

vos orbe meo terrarum luditis

tamquam si esset crepundia vestra

atque mihi in manus balistam

ponitis latentes igniferam

et fugam versis tergis capitis

rapidis pyrobolis pervolantibus

Ut Iudas tempore antiquo

mendacia capitis fraudesque,

mihi persuadere totius orbis

bellum vinci posse vultis

sed per oculos vestros video

atque per cerebrum vestrum

sicut in aquam defluentem

video ad cloacam

Tela ignivoma quibus aliis

pugnandum erit aptatis,

postea mortuorum augescentem

rationem in otio percensetis

bene obtecti in castris vestris

dum puerorum cruor effluit

e corporum vulneribus

lutoque admiscitur in humum

Nequissimus terror

effecistis ut diffunderetur,

terror humanam

progeniem pariendi.

Meo puero cum minemini

sine nomine et non nato,

ut fluat sanguis in venis

vestris digni non estis.

Quis ego sum, ut loquar

sine facultate ac licentia?

Me esse puerum vitae

valde inexpertum dicetis.

Sed hoc tantum bene scio

etiamsi minor sim natu:

hoc scio, scelera vestra

Iuppiter adeo non condonaturum.

Ex vobis hoc tantum requiram:

pretiosissima censetisne vestra

pecunia ad emercandam

caelestium misericordiam uti?

Sed invenietis cum portorium

ad Tartarum vobis sit dandum

omnes divitias a vobis coactas

ad animam redimendam non iuvaturas.

Et spes me tenet vos morituros,

de morte vestra spero quam primum.

Vobis in funus prodibo

in vespertina maligna luce,

aspiciens corpora vestra

spoliata contegi sepulchro,

sedens in tumulo donec certus

sim de morte vestra.

• Artist:Bob Dylan
• Album:The Freewheelin' Bob Dylan (1963)