ماتزعل مني ياوطني [Ma Tezaal Mennee] lyrics

شو كان سهل عليي اني فل

بس اخترت اني ابقى كرمالك

وقت اللي كلن فلوا وتركوك

لاني بحبك

ولاني وعدتك اني بكل الاوقات

الايام السودا وبكل الايام

رح ابقى حدك ولو مهما كان

مافي شي بيعنيلي غير اني عيش بوطني اللي رسمته ببالي

صورة حلوة حلم كبير اهرب اتخبى فيه

وطني الغنية

لو تعرف شو صليت واتمنيت انه يصير

ماعاد فيي كفي بحبسي الكبير

اخترت الحرية بدي التغيير

ماتزعل مني يا وطني

انت بتعرف ما مرة تركتك

بأسوأ ايامي بجنون حياتي

بقيت على وعدي ما تبعد عني

بزعل ع حالي بزعل عليك

انا وفيك وحاسة بالغربة

ما بتستاهل هالبشاعة اللي عمتلها بايديك

انت الطفولة

والسما الزرقا بيتي والخير اللي كان

ايام الحلوة اهلي والجيران

والضحكات اللي صاروا نسيان

شو بقول لولادي اللي حلموا فيك

كزبت عليي وماكنت وطني اللي بيشبهني وبلاقي حالي فيك

بكرا بيكبروا بدورن بفلوا على وطن جديد

يغمرهن ويكبر حلمن فيه

لو مهما كان هالوطن بعيد

ماتزعل مني يا وطني

ماتزعل مني يا وطني

انت بتعرف ما مرة تركتك

بأسوأ ايامي بجنون حياتي

بقيت على وعدي ما تبعد عني

يمكن حكيت كتير

بس كان لازم قلك كل اللي بقلبي

مابدي منك الا انك تسمعني وتصدقني

ماتزعل مني يا وطني

• Artist:Fairuz
• Album:شعر