البصارة lyrics

قالتلي بشوف الفنجان

بحسب للنجم حسابو

بكشف اسرار الانسان

اللي مخباية بتيابو

بضرب بالرمل بإيمان

وضرباتي كلن صابو

وبنادي عملوك الجان

بحضرهن كل ما غابو

بعرف بأمور الفنان

لما بيبرم دولابو

لما بيطوف البركان

والسعد يدق بوابو

قلتلا هاتي البرهان

وشوفي بختي بحجابو

شوفيلي برج الميزان

وشو تأثيرو عصحابو

لا تقوليلي كان وبان

انا بدي السر و اسبابو

فرجيني جنود سليمان

تصدق يا بصارة

ويلي هور يا بو الهوارة

ياديني شو هالبصارة

سمتلي كل الاخبار

وراحت ترويلي خبارا

قالت يا اسمر مفهوم

برجك كوكب نيراني

بضلك تبرم وتحوم

وتقوص ع العمياني

لكن بزمانك مصدوم

من كيد الجنس التاني

شو بيي ومانك ملزوم

تراب فلانه وعلتانه

موهوب ونجمك مهضوم

وسحبت صوتك رمانه

بتغني فل الخمس نجوم

وبالحفلات العمرانه

بتجيب الشعر المنظوم

خصوصي اللون اللبناني

اتثبتي بموجب مرسوم

حتى تغني الهواره

ويلي هور يا بو الهوارة

ياديني شو هالبصارة

سمتلي كل الاخبار

وراحت ترويلي خبارا

شو طيب ياعنب الزيت

يا سكر احلا نجاصه

وقفو قبالك ع الصفين

دابت فيك الرقاصه

دير بالك من صيدت عين

وعين الحاسد قناصه

بترمي سهامه ع الميلين

وبتظهرلك اخلاصة

حط براسك هالحلين

الناس بتعرف خلاصه

يا اما البوسه حجابين

وسكبلا الكتب رصاصه

او خرزه زرقا بحدين

تحجب عين البصاصه

نقي وحده من التنتين

بتسلم من اكبر غاره

ويلي هور يا بو الهوارة

ياديني شو هالبصارة

سمتلي كل الاخبار

وراحت ترويلي خبارا

ممنونك ع هالتبصير

ال بلواقع لازم جلو

بتشيلي الزير من البير

وتيابه ما بينبله

لاكن في عندك تقصير

ما ذكرتي حبي كله

حب البلبل لما يطير

يدور ع حبابه ال فلو

والحواري ال حد البير

الجايين جرار يملو

الي الهم عندي تأثير

حلو قلبي وحتلو

والاسمر لما بيسير

دايب شهدو ع حلو

لبيب بوقت التفصير

بيفهمها من الاشاره

ويلي هور يا بو الهوارة

ياديني شو هالبصارة

سمتلي كل الاخبار

وراحت ترويلي خبارا

ويلي هور يا بو الهوارة

ياديني شو هالبصارة

سمتلي كل الاخبار

وراحت ترويلي خبارا

الرجاء تقيم الاغنية

لدعمي واستمراري

بعد الانتهاء

اضغط على اللايك الاخضر

• Artist:Rabih El Asmar