✓ #_قانێع lyrics

بڕوانە چ بێڕەحمە لەگەڵ ئاشقی مەبهووت

تینوومە بە یەک قەترە لە لێوی وەکوو هارووت

سروەی سەحەری هات و هەموو خونچە بە گوڵ بوو

خونچەی دڵی من یا دەمی تۆ بۆ چی نەپشکووت

ئیعجازی مەسیحایە لەبی لەعلی درەخشان

سیحر و هونەری بابلە دوو چاوی بەجادووت

چوونی منی بێچارە لەبۆ مەعبەد و مزگەوت

بۆ دیتنی میحرابە کە تەشبیهە بە ئەبرووت

بۆ قیمەتی تۆ تاجی کەی و تەختی سولەیمان

کێشانە بکەن سووکە لەناو تایی ترازووت

«قانع» کە وەها قانعە بەم بەختە ڕەشەی خۆی

چون نیسبەتی هەس بەختی ڕەش و نوختەیی هیندووت

• Artist:Qani