Làgrima ‘e nie [English translation]

Cando falan sas dies a ‘uttiu ‘uttiu,

gai comente sas làgrimas supra su nie,

supra su nie,

sos ammentos sun fozas chi non ruen gai

e sos fiores de ierru no allizan mai,

no allizan mai.

In cust’ora ch’iscurigat donzi cosa

e si frimat sa lughe supra una rosa,

a sa muda sa notte isetat sa die.

In cuss’àbile in bolu chi est pretzisa a tie

b’est sa manu ‘ e su ‘entu e s’alenu ‘e sas nues:

deo l’isco, ses tue.

In cust’ora ch’iscurigat donzi cosa,

e si frimat sa lughe supra una rosa,

a sa muda sa notte isetat sa die.

Cando falan sas dies a ‘uttiu ‘uttiu,

gai comente sas làgrimas supra su nie...

• Artist:Alessandro Catte