L'ammore nuosto lyrics

'Nciélo, nu ciélo ca te fa spaviénto,

e dint'ô còre, che malincunia!

Cómme sciòcca sta néva, sènza viénto!

Sciècca e fernésce, lòta, mmiéz'â via.

C'appriétto 'e còre, ca pe tte me sènto!

C'appressióne ‘int'a st'ànema mia...

Che ffriddo 'e mòrte! Che brutto mumènto...

Me pare ll'ùrdem'óra 'e ll'agunia!

E va murènno 'o juórno. E a tuttuquante

manna na stésa 'e vóce, appucundruta

ca pare ll'èco 'e cientumilia chiante...

E mòre ll'anno. E dòppo n'anno sano,

st'ammóre nuósto, de mala saluta

pur isso è muórto... È muórto chiano chiano...

• Artist:Ferdinando Russo
• Album:Sunettiata (1887)