KV 626 Requiem in re minore per soli, coro ed orchestra. [Korean translation]

INTROITUS

REQUIEM AETERNAM (Coro e Soprano)

Requiem aeternam dona eis. Domine,

et lux perpetua luceat eis.

Te decet hymnus, Deus, in Sion,

et tibi reddetur votum in Jerusalem

Exaudi orationem meam;

ad te omnis caro veniet.

Requiem aeternam dona eis, Domine,

et lux perpetua luceat eis.

KYRIE (Coro)

Kyrie eleison; Christe eleison;

Kyrie eleison; Christe eleison;

Kyrie eleison; Christe eleison;

SEQUENTIA

DIES IRAE (Coro)

Dies irae, dies illa,

Solvet saeclum in favilla,

Teste David cum Sibylla.

Quantus tremor est futurus,

Quando Judex est venturus,

Cuncta stricte discussurus!

TUBA MIRUM (Soli)

Tuba mirum spargens sonum,

Per sepulchra regionum,

Coget omnes ante thronum.

Mors stupebit et natura

Cum resurget creatura,

ludicanti responsura.

Liber scriptus proferetur

in quo totum continetur,

Unde mundus judicetur.

Judex ergo cum sedebit

Quidquid latet apparebit.

Nil inultum remanebit.

Quid sum miser tunc dicturus?

Quem patronum rogaturus,

Cum vix justus sit securus?

REX TREMENDAE (Coro)

Rex tremendae majestatis.

Qui salvandos salvas gratis.

Salva me, fons pietatis.

RECORDARE (Soli)

Recordare, Jesu pie,

quod sum causa tuae viae.

Ne me perdas illa die.

Quaerens me sedisti lassus,

Redemisti crucem passus:

Tantus labor non sit cassus.

Juste judex ultionis,

Donum fac remissionis

Ante diem rationis.

Ingemisco tamquam reus.

Culpa rubet vultus meus:

Supplicanti parce, Deus.

Qui Mariam absolvisti,

Et latronem exaudisti,

Mihi quoque spem dedisti.

Preces meae non sunt dignae,

Sed tu, bonus, fac benigne

Ne perenni cremer igne.

Inter oves locum praesta,

Et ab haedis me sequestra,

Statuens in parte dextra.

CONFUTATIS (Coro)

Confutatis maledictis,

Flammis acribus addictis,

Voca me cum benedictis.

Oro supplex et acclinis,

Cor contritum quasi cinis,

Gere curam mei finis.

LACRIMOSA (Coro)

Lacrimosa dies illa,

Qua resurget ex favilla,

Judicandus homo reus.

Huic ergo parce, Deus:

Pie Jesu, Domine,

Dona eis requiem. Amen.

OFFERTORIUM

DOMINE JESU CHRISTE (Coro)

Domine, Jesu Christe, Rex gloriae,

libera animas

omnium fidelium defunctorum

de poenis inferni,

et de profundo lacu.

Libera eas de ore leonis,

ne absorbeat eas Tartarus,

ne cadant in obscurum:

sed signifer sanctus Michael

repraesentet eas in lucem sanctam,

quam olim Abrahae promisisti

et semini eius.

HOSTIAS (Coro)

Hostias et preces tibi. Domine,

laudis offerimus:

tu suscipe pro animabus illis,

quarum hodie memoriam facimus;

fac eas, Domine,

de morte transire ad vitam,

quam olim Abrahae promisisti

et semini eius.

SANCTUS (Coro)

Sanctus, sanctus, sanctus,

Dominus Deus Sabaoth.

Pieni sunt caeli et terra gloria tua.

Hosanna in excelsis.

BENEDICTUS (Soli)

Benedictus qui venit in nomine Domini.

HOSANNA (Coro)

Hosanna in excelsis.

AGNUS DEI (Coro)

Agnus Dei qui tollis peccata mundi,

dona eis requiem.

Agnus Dei qui tollis peccata mundi,

dona eis requiem.

Agnus Dei qui tollis peccata mundi,

dona eis requiem sempiternam.

COMMUNIO

LUX AETERNA (Soprano e Coro)

Lux aeterna luceat eis, Domine,

cum sanctis tuis

in aeternum quia pius es.

Requiem aeternam dona eis, Domine,

et lux perpetua luceat eis,

cum sanctis tuis

in aeternum, quia pius es.

• Artist:Wolfgang Amadeus Mozart
• Album:Mozart, Requiem K 626.