کوردستان [Kurdistan] [Transliteration]

کوردستان جێگامی، جێی هه‌زار ساڵه‌م

په‌روه‌رده‌ی ئه‌م دۆڵ و سه‌ر لووتکه‌و یاڵه‌م

هه‌ناسه‌م تێر بۆنی بای کوێستانته‌

دوو لێوه‌م پاراوی به‌فراوانته

زمانم پشکوتووی قسه‌ی جوانته‌

قسه‌ی ناو گۆرانیی شاخه‌کانته‌

ئه‌ی لاوی کورد، پڵنگی لان

کوڕانه‌ باز ده‌ره‌ مه‌یدان

حه‌ق بسێنه‌ به‌ ڕه‌نجی شان

بۆ گشت هه‌ژار، بۆ گشت ئینسان

‌ئه‌ی لاوی کورد، ئه‌ی ڕۆڵه‌ی ژیر

ئه‌ی نیشتیمان دیلی زنجیر

ئه‌ی کۆمه‌ڵ یه‌ک چینی فه‌قیر

نابێ هه‌رگیز ده‌ر که‌ی له‌ بیر

• Artist:Sirûdî Kurdî / Sirûda Kurdî