Istudente lyrics

Pizzinn'ancor'in custu mundu e rude

in brazzos a su vissiu di ses dadu!

Babbu tou a iscola t'hat mandadu

sognende in testa tua una virtude,

ma tue, a pipp'azzesa, sa salude

ses perdinde, su libr'ismentigadu

has in tottu e a s'ozi'has cundennadu

sa preziosa tua gioventude.

Ses appen'isbucciadu da-e s'ou,

e cale can'isoltu 'e cadena

a sa ogh’ ‘e su vissiu pones mente.

E non penzas chi bezzu babbu tou

andat famid'a zorronad'anzena,

pro ti mantenner semper istudente.

• Artist:Peppinu Mereu