Ich sahe die haide [German translation]

ICH sahe die haide nye so gestalt

In liechter ewgellwaide den grunen walt

bey den bayden kiesen wir den mayen

Ir maidt ir sullt euch Zwayen

gein diser lieben summer zeitt

in hohem mute rayen

Lob von manger Zungen der maye hat

die plumlein sein entsprungen an manger stat

da man ee nye kaine kund finden

gelaubet sten die linden

da hebtt sich als ich han vernumen

ein tancz von schonen kinden

Die sindt sorgen an vnd freuden reiche

ir maiget wol gethan vnd mynniqleich

zieret euch das euch die pawrn dancken

die swaben vnd die francken

Ir breysett ewre hemdlein weis

mit seyden auf den lancken

Vmb we sol ich mich straffen so redt ein maigt

die lungen sein entschlaffen vnd gar verczaigt

freud vnd ere ist aller went vnmere

die man sind wandelbere

Ir kainer wirbt vmb ein weib

er euch getieret were

Die red soltu behalten sprach Ir gespil

wir sollen mit freuden alten der man ist uil

die noch gern dienen raynen weiben

las solich red beleiben

es wirbt einer vmb mich

der trawren kan vertreiben

Den soltu mir Zaigen wie er Ir behage

der gurtel sey den aygen den ich vmb trag

Sag mir seinen namen der dich mynne

so tugentlicher synne

Ta wenn es mir getrawmet

dein mut stett dir dahynn

Den wir alle nennen den von Rubental

vnd sein gesanck erkennen wal vberall

der ist mir holdt mitt gut ich Im des lone

Durch seinen willen schone

so will ich preisen meinen leib

wol dann man leutet none

• Artist:Neidhart von Reuental