Ich hân hêrn Otten triuwe [English translation]

Ich hân hêrn Otten triuwe er welle mich noch rîchen

wie genam aber er mîn dienest ie sô trügelîchen

ald waz bestêt ze lônenne des künic Friderîchen

mîn forderunge ist ûf in kleiner danne ein bône

ez ensî sô vil obe er der alten sprüche wære frô

ein vater lêrte wîlent sînen sun alsô

sun diene manne boestem daz dir manne beste lône

hêr otte ich binz der sun ir sît der boeste man

wand ich sô rehte boesen hêrren nie gewan

her künic ir sît der beste sît iuch got des lônes gan.

ich wolte hêrn otten milte nâch der lenge mezzen

dô hât ich mich an der mâze ein teil vergezzen

wær er sô milt als lanc er hete tugende vil besezzen

vil schiere maz ich abe den lîp nâch sîner êre

dô wart er vil gar ze kurz als ein verschrôten werk

miltes muotes minre vil danne ein getwerc

und ist doch von den jâren daz er niht wahset mêre

do ich dem künige brâhte daz mez wie er ûf schôz

sîn junger lîp wart beide michel unde grôz

nû seht waz er noch wahse erst ietze über in wol risen grôz.

• Artist:Walther von der Vogelweide