Ἡ ζωή ἐν τάφω [I Zoí En Táfo] [English translation]

Ἡ ζωή ἐν τάφω

κατετέθης, Χριστέ,

καί ἀγγέλων στρατιαί ἐξεπλήττοντο,

συγκατάβασιν δοξάζουσαι τήν σήν.

Ἡ ζωή, πῶς θνήσκεις;

πῶς καί τάφω οἰκεῖς;

τοῦ θανάτου τό βασίλειον λύεις δέ,

καί τοῦ Ἅδου τούς νεκρούς ἑξανιστᾶς.

Μεγαλύνομεν σέ,

Ἰησοῦ βασιλεῦ,

καί τιμῶμεν τήν ταφήν καί τά πάθη σου,

δί' ὧν ἔσωσας ἠμᾶς ἐκ τῆς φθορᾶς.

Μέτρα γής ὁ στήσας

ἐν σμικρῶ κατοικεῖς,

Ἰησοῦ παμβασιλεύ, τάφω σήμερον,

ἐκ μνημάτων τούς θανόντας ἀνιστῶν.

Ὁ δεσπότης πάντων

καθορᾶται νεκρός,

καί ἐν μνήματι καινῶ κατατίθεται

ὁ κενώσας τά μνημεῖα τῶν νεκρῶν.

Ὡς ἐν κρήνης μιᾶς

τόν διπλοῦν ποταμόν

τῆς πλευρᾶς σου προχεούσης ἀρδόμενοι,

τήν ἀθάνατον καρπούμεθα ζωήν.

Ὁ ὡραῖος κάλλει

παρά πάντας βροτούς

ὡς ἀνείδεος νεκρός καταφαίνεται,

ὁ τήν φύσιν ὠραΐσας τοῦ παντός.

Ἰησοῦ, γλυκύ μοί

καί σωτήριον φῶς,

τάφω πῶς ἐν σκοτεινῶ κατακέκρυψαι;

ὤ ἀφάτου καί ἀρρήτου ἀνοχῆς!

Ὡς βροτός μέν θνήσκεις

ἑκουσίως Σωτήρ,

ὡς Θεός δέ τούς θνητούς ἑξανέστησας

ἐκ μνημάτων καί βυθοῦ ἁμαρτιῶν.

Ἀπορεῖ καί φύσις

νοερά καί πληθύς

ἡ ἀσώματος, Χριστέ, τό μυστήριον

τῆς ἀφράστου καί ἀρρήτου σου ταφῆς.

Ὤ θαυμάτων ξένων,

ὤ πραγμάτων καινῶν!

ὁ πνοῆς μοί χορηγός ἀπνοῦς φέρεται

κηδευόμενος χερσί τοῦ Ἰωσήφ.

Ἐκ φθορᾶς ἀνέβη ἡ ζωή μου, Σωτήρ,

σού θανόντος καί νεκροῖς

Προσφοιτήσαντος καί συνθλάσαντος

τοῦ Ἅδου τούς μοχλούς.

Ὡς φωτός λυχνία

νῦν ἡ σάρξ τοῦ Θεοῦ

ὑπό γῆν ὡς ὑπό μόδιον κρύπτεται

καί διώκει τόν ἐν ἅδη σκοτασμόν.

Ὑπό γῆν ἐκρύβης,

ὥσπερ ἥλιος, νῦν

καί νυκτί τή τοῦ θανάτου κεκάλυψαιˑ

ἀλλ' ἀνατειλον φαιδρότερον, Σωτήρ.

Ἐπί γής κατῆλθες,

ἴνα σώσης Ἀδάμ,

καί ἐν γῆ μή εὐρηκῶς τοῦτον, Δέσποτα,

μέχρις ἅδου κατελήλυθας ζητῶν.

Ὥσπερ σίτου κόκκος

ὑποδύς κόλπους γής

τόν πολυχουν ἀποδέδωκας ἄσταχυν,

ἀναστήσας τούς βροτούς τούς ἐξ Ἀδάμ.

Ὡς ἡλίου δίσκον

ἡ σελήνη, Σωτήρ

ἀποκρύπτει, καί Σέ τάφος νῦν ἔκρυψεν,

ἐκλιπόντα τῷ θανάτω σαρκικῶς.

• Artist:Petros Gaitanos
• Album:Ωδές Αρχαγγέλων CD2, 2008 (Odes of Archangels CD2, Mercury) Track 6 of 25