Funtana Solitaria [English translation]

In custu buscu pienu de friscura

nasco deo cun lentu mormoriu

ma nemancu in sos meses de istiu

cando pius abbundat sa calura

a s’infriscare in me a icust’altura

no’nche nde pigat de homine 'iu,

nessunu m’ind’assazat unu 'uttiu

pro chi siat lezera, frisca e pura.

No’nche nd’arriban de laras sididas

pro lu chircare in me su ristoru

consolende sa mente e i’su sinu:

so semper solitaria in cust’oru,

ignorada, m’auno a su trainu

chi atraessat sas baddes fioridas.

Nasco dae sas lemas de una roca

de sa pedra prus dura e prus bia.

So limpida e frisca che biddia

chi falat in tempus de fiocas

ma no’nche 'ido mancu una picioca

cun s’isposu piena ‘e galania

pro nde buffare de cust’abba mia,

pro s’inde prenare carchi broca.

Finas carchi pastore ch’inche passat

a tuniu cantende fattu a s’ama

in sos beranos e in sos istios

a s’infunder sas laras no s’abassat,

de s’abba mia no’nde tenet brama

ca no connoschet sos meritos mios.

• Artist:Maria Giovanna Cherchi
• Album:Ammentos