E vinciute tu lyrics

Ero venuto pe' te salutà

Pe' dirti: "Addio, nun ce vidimmo cchiù"

Ma st'ucchie mie si so' fermate ccà

Dint'a chist'uocchi toje lucente e blu

Addò luce 'na preghiera

Ca me dice: “Riesta cca”

Addò trema 'na speranza

Che è capace e me fermà

Hê vinciute tu, hê vinciute tu

'Sta guerra 'e core l'hê vinciute tu

Nun te lasso cchiù, nun te lasso cchiù

Pure si more nun te lasso cchiù

Nun se pò lassà, nun se pò lassà

Si 'nu munno 'e bene te dà

Nun pò immaginà, nun pò immaginà

Comme voglio a tte

Sulamente a tte

Sempe, sempe a te

Hê vinciute tu, hê vinciute tu

'Sta guerra 'e core l'hê vinciute tu

Nun te lasso cchiù, nun te lasso cchiù

E so' cuntento ch'hê vinciute tu

No, chesta vocca nun se pò lassà

Senza 'sti vase toje pozzo murì

Tu si 'o respiro ca me fa campà

E nun l'aggio voluto maje capì

S'è scetata 'a vita mia

Sento l'anima 'e cantà

Nun te saccio dì cchiù addio

E nun te voglio cchiù lassà

Nun se pò lassà, nun se pò lassà

Si 'nu munno 'e bene te dà

Nun pò immaginà, nun pò immaginà

Comme voglio a tte

Sulamente a tte

Sempe, sempe a te

Hê vinciute tu, hê vinciute tu

'Sta guerra 'e core l'hê vinciute tu

Nun te lasso cchiù, nun te lasso cchiù

E so' cuntento ch'hê vinciute tu

• Artist:Nino D'Angelo
• Album:'Nu jeans e 'na maglietta (1982)