‘E llampare lyrics

Che sóngo sti lume

ca lùceno luntano

e cchianu chiano

se spòstano,

ma po’ s’accòstano

e pare, dint’a ll’oscurità

ca ll’afferrasse cu ‘a mano.

So’ sti lume, ‘e llampare,

‘e luce—luce d’’o mare,

'ntra tutt’e ccòse addurmute..

Cinco o sèi stélle, cadute

d’o ciélo cupo ‘e st’està.

E ll’óre passano lènte

dint’â nuttata cuièta.

Nisciuna vóce se sènte,

sulo ‘o rispiro d’o mare

cómm’ô fruscìo ‘e na séta.

Rispiro liéggio, ca pare

nu vaso ‘e dduje nnammurate,

ca sóngo st'aréna c’o mare

che ‘a pòco se sóngo appaciate!!

• Artist:Eduardo Nicolardi