Deinceps ex nulla [English translation]

Deinceps ex nulla

Palea figuræ

Vescimur, medulla

Veteris scripturæ

Miscentur humana

Divinae naturæ.

[Refrain:]

Hey in ista die

Meta Prophetiæ

Partus est Mariæ. (x2)

Iam non obfuscatur

Turris nebulosa,

Sion coloratur

Filia formosa

Quæ sole purgatur

Virgo gloriosa.

[Refrain]

Sine carnis mole

Virgo gravidata,

Spiritali sole

Intus reformata,

Mater tali prole

Dicta est beata.

[Refrain]

Lati[t]at sub lege

Sicut flos in spina,

Oritur cum rege

Gratia divina,

Qui vadit cum rege

Sub vili corona.

[Refrain]

Nobiscum versatur,

In terris est visus,

Qui cum occidatur,

A nullo est incisus,

Per quem solidatur

Paries divisus.

[Refrain]

[Claudit] spiritale

Spiritalis cella,

Genuit regale

Regalis puella,

Monstrat speciale

Specialis stella.

[Refrain]

Canere cur audes

Musa, de divinis?

Fugiunt hæ laudes

Illum, qui est cinis,

Ergo de divinis

[S]unt hic tibi finis.

[Refrain]

• Artist:Arany Zoltán