دواير [Dawayer] lyrics

بنلف فى دواير

والدنيا تلف بينا

و دايماً ننتهى

لمطرح ما ابتدينا

طيور الفجر تايهة

فى عتمة المدينة

بتدور

ما بنكتبش الرسايل

ما بننتظرش رد

لا حد فى يوم سمعنا

ولا بنسمع حد

طيور العمر تايهة

فى عتمة المدينة

بتدور

ساكنين فى عالم يعشق الخطر

فيه الطيور تهرب من الشجر

وتهرب النجوم من القمر

وتهرب الوجوه من الصور

بنلف فى دواير

ندور على الأمان

ونلاقينا رجعنا

تانى لنفس المكان

ندور..ندور..ندور

بنلف فى دواير

والدنيا تلف بينا

و دايماً ننتهى

لمطرح ما ابتدينا

طيور الفجر تايهة

فى عتمة المدينة

بتدور

نحلم ونحلم بالحياة المفرحة

وأتارى أحلامنا بلا أجنحة

بلا أجنحة

ندور .. ندور.. ندور

بجناح حزين مكسور

ساعات نشوف فى العتمة

و ساعات نتوه فى النور

ساعات عيوننا بالأسى تفرح

وساعات فى ساعة الفرح منوحة

ولا حاضر

ولا ماضي

تروس بتلف ع الفاضي

و لا فينا شباب زعلان

ولا فينا شباب راضي

مفيش غير اننا

بندور.. ندور .. ندور

• Artist:Marwan Khoury