Dəyişir Həyat lyrics

(verse: AiD)

Bir gün itsəm neçə gün sonra yada düşərəm

Biraz darıxandan sonra unutsan, başa düşərəm

Nə vaxtsa üzdə gülüş idim, artıq gəzən şərəm

Nə vaxtsa dayaq olduqlarıma indi çürümüş ələm

Ətraf sıxdıqca, sıxılmaq sətirlərə

Dizini qucaqlamaq belə artıq çətin gələr

Artıq o yaş deyil ki, söykənəsən valideynlərə

Artıq inam da yox sən tərk edəndə qal deyənlerə,

Sadə olduqca hörmət azalır kimi paradokslar

Amma ən tez mən qaçdım düşəndə dara dostlar

Elə bil yox ürək ki, hələ bir onu qırmaq olsun

Ölümlə üz üzə deyiləm arzum sağ qalmaq olsun.

Hərə bir tərəfdən sıxır, sanki sabah bitir

Ömür, sanki bir işıq idim hansı ki artıq

Gözdən itir sönür, elə bil həyatın mənə

Olan planları tükənmək üzrə,

Yəqin ki, birinci yerəm hər insana güvənmək üzrə

(Nəqarət: Gültəkin)

Dəyişir səni həyat,

Azalır sənə maraq

Hardadır axı dünənlər?

Dəyişir sənin üzünə gülənlər (x2)

(verse: AiD)

Hərdən boğulmaq, topuğa qədər su olan yerdə,

Səhvən doğulmaq azadlıq qorxusu olan yerdə

Hərdən danışmaq, dərdivi susan vərəqə

Gəl həyatı həyatdan tez tərk edək bu son dəqiqə

Sən zamana inanırsan yaraları sağaldar deyə

İllər sevgili tək gedir yalandan qayıdacam deyir

Sən sanma qarnın tox olsa, dərd azalar deyə

Diqqətlə qulaq as necə ruhun bağırır acam deyə

Vicdanı təmiz saxlamaq, cəmiyyət qarşısında,

Nəyə lazım? Çirkli qəlbə yem bol, daşısında!

Tək qalıb ağlayanlar həqiqət qarşısında

Ürəkdən gülür xoşbəxt olur Brandwall qarşısında

Artıq qələmdən mürəkkəb əvəzinə çirkab çıxır

Beynimde qan əvəzinə vəhşi balıqlar üzür

Həyatım cəngəllikdir, bacarsan gir tap cığır

Görəsən neçə nəfər indi şərəfimə şərab süzür.

(Nəqarət: Gültəkin)

Dəyişir səni həyat,

Azalır sənə maraq

Hardadır axı dünənlər?

Dəyişir sənin üzünə gülənlər

• Artist:Orxan Zeynallı (AiD)