Come under my plaidie lyrics

I

Come under my plaidie the nicht’s gaun tae fa’

Come in frae the cauld blast the drift and the snaw

Come under my plaidie and sit doon beside me

There’s room in it lassie believe me for twa

Come under my plaidie and sit doon beside me

I’ll hap ye frae every cauld wind that can blaw

Come under my plaidie and sit doon beside me

There’s room in it lassie believe me for twa

II

Gae wa’ wi’ your plaidie auld Donald, gae ‘wa’

I fear nae the cauld blast, the drift or the snaw

Gae ‘wa’ wi’ your plaidie, I’ll no’ sit beside ye

Ye micht be my gutcher auld Donald, gae ‘wa’

I’m gaun tae meet Johnnie, he’s young and he’s bonnie

He’s been at Meg’s bridle fu’ trig and fu’ braw

Nane dances sae lightly, sae gracefu’, sae tightly

His cheeks like the new rose, his brow’s like the snaw

III

Dear Marion, let that flee stick tae the wa'

Your Jock’s but a gowk and has naethin’ ava’

The hale o’ his pack he has noo on his back

He’s thirty and I am but threescore and twa

Be frank noo an’ kin’ly I’ll busk ye aye finely

Tae kirk or tae merket they’ll few gang sae braw

A bien hoose tae bide in, a chaise for tae ride in

And flunkies tae tend ye as aft as ye ca’

IV

My faither aye tellt me, my mither an’ a’

Ye’d mak’ a guid husband and keep me aye braw

It’s true I lo’e Johnnie, he’s young and he’s bonnie

But wae’s me I ken he has naethin’ ava’

I hae little tocher ye’ve made a guid offer

I’m noo mair than twenty, my time is but sma’

Sae gie me yer plaidie, I’ll creep in beside ye

I thocht ye’d been aulder than three score and’ twa

• Artist:The Tannahill Weavers
• Album:The Mermaids Song