The Trooper and the Maid [Italian translation]

A trooper lad came here ae night

Wi' riding he was weary

A trooper lad cam' here ae night

When the moon shone bright and clearly

She's taen the trooper by the haun

And let him tae her chamber

She's gied him cheese and wine tae drink

And the wine it was like amber

Chorus:

Bonnie lassie I'll lie near ye noo

Bonnie lassie I'll lie near ye

I'll gar all yer ribbons reel

In the morning e'er I leave ye

She's made her bed baith lang and wide

And made it like a lady

She's taen her coatie ower her heid

Saying trooper are ye ready

Chorus

They hadnae been but an 'oor in bed

An 'oor and half a quarter

When drums cam' beatin doon the street

And every beat was shorter

Chorus

And when will you come back again

My own dear soldier laddie

And when will you come back again

And be your bairnies daddy

Bonnie lassie I maun leave ye noo

Bonnie lassie I maun leave ye

When heather bells grow cockle shells

Then I'll come and see ye

She's taen her coatie ower her heid

And followed him up to Stirling

She grew sae fu' she couldnae boo

He left her in Dunfermline

Chorus

• Artist:The Tannahill Weavers