Cinema Ambra lyrics

Una camisa cunt un böc de sigarèta,

e sti culzoni che nisön l’ha mai stiràa,

una cravata ligada in quai manera,

e un urelòc che ’l cur innanz e ’ndré.

G’ho sö un paltò che ghe solten via i butoni,

e i scarp de pèl, che però le pèl di bal.

G’ho sö un pruföm che ho crumpà al cunsòrzio agrari

e un brascialèt che ho vengiü cunt i boeri.

Ma g’ho ’l bursen e g’ho i dané,

che finalment l’è venerdé.

Ecco il biglietto per entrare nell’ombra,

e guardare lo schermo… al cinema Ambra.

Cinema Ambra. He, he.

Cinema Ambra.

Cinema.

E la pellicula la gira in prèssa,

e i öcc se möven per pruà a curega dré.

La lüs partis dal böc de la salèta,

sfiura ’l sufit e la s-ciòpa in söl telon.

Taca la müsica e vé fö ’l titul,

due gh’era el mür adès gh’è un oltro munt.

Desmentegàa la mia giurnada imbesüìda,

desmentegàa el me duman de ricüsì.

Vöri guidà per i strat de San Francisco

cun scià la machina che gh’era Steve McQueen,

vöri sparà insèma a l’ispettore Callaghan

a chi giurnat che vöri piö söl calendari.

Se riessi menga a balà insèma ai lüf,

bali cui rat, sèmpru mèi che de par me.

Jessica Lange in söl taul de cüséna,

me bat el cör suta l’elastic di müdànt.

Ma g’ho ’l bursen e g’ho i dané,

che finalment l’è venerdé.

Ecco il biglietto per entrare nell’ombra,

e guardare lo schermo… al cinema Ambra.

Cinema Ambra. He, he.

Cinema Ambra.

Cinema.

La mia morosa non è andata via col vento,

ma sö ’n Ducati insèma a vön de Cinisèl.

Che acrobazie per rüà a la fin del mes,

e anca Spiderman el vé a lezion de me.

Vöri guarì de ògni mia ferida,

in prèssa in prèssa pròpi come Wolverine.

Vöri rüà a la fin de ògni mia sfida,

in equilibrio come Karate Kid.

A Ringo, Rambo, Fitzcarraldo, Django,

e Comencini, Fellini e Tarantini,

una sambuca beüda a Casablanca,

la spaghettada a l’Overlook Hotel.

A g’ho ’l bursen e g’ho i dané

che ho risparmiàa per rüà fina a ché.

E la vita, la vita non è più quella che sembra

quando si spengono le luci

al cinema Ambra.

• Artist:Davide Van de Sfroos