Chramer, gip die varwe mir lyrics

Chramer, gip die varwe mir

die min wengel roete,

damit ich die jungen man

an ir dank der minnenliebe noete.

Seht mich an, jungen man!

Lat mich iu gevallen!

Minnet, tugentliche man,

minnechliche frouwen!

Minne tuot iu hoch gemuot

unde lat iuch in hohen eren schouwen.

Seht mich an, jungen man!

Lat mich iu gevallen!

Wol die, werlt, das du bist

also freudenriche!

Ich wil dir sin undertan

durch din liebe immer sicherliche.

Seht mich an, jungen man!

Lat mich iu gevallen!

• Artist:Carmina Burana