[CB 14] In taberna quando sumus [Interslavic translation]

Vo kŕčmě kogdy my jesmo

Mysliť o praci bolěsno

Ale dó ìgr spěšimo

Dotolě, že sę potimo

Začto vo kŕčmě dľa vas

Za groš bųde pivo, kvas?

Tajnų tu ja vam otvorim,

Len slušájte čo govorim!

Tut pijų

I tut ìgrajų —

Po prostu odpocivajų

A kto sęl ìgračev medžu,

Izgubil svoju odedžų

V kŕčmě vśekto sę napoji

Zatom smŕti sę ne boji

Jedino od vśego maha

Kosťky kydnemo za Vakha!

Zdråvic dnes ìmamo mnogo

Pŕvá — za našego boga

Vtorá bude za život

Treťá — za slověňský rod

Potom pijų za děvčet

Ješče za ščestlivyh lět

Někde pijų kvas za knęza

Odněkud klik: “Za penezy!”

Kliče kto “za Boga Mati”

A kto ide na stol spati

Tost desętý — za živyh,

Za vsěh zdråvyh i boľnyh

Pijani pěvajų “Voľa!”

Tancevať idų do poľu,

I pod pěsňe togo hora

Voznosimo kubky vgorų!

Pije gospodin s ženojų

Pije rycař prěd vojnojų

Pije tutý, pije tamtý

Pije bědný i bogatý

Pije brzý, pije medlý

Pije črný, pije bělý

Pije starý, pije mlådý,

Pije smųtný, pije radý

Pije novak i starak,

Pije drug i pije vråg

Pije jednostajný s pestrym

Pije brat zajedno s sestroj

Pije lysý, pije sivý

Pije mŕtvý, pije živý

Pijų vśekde i vśektó

Pijų desęt, pijų sto

Jedva navet šesťsot grošej

Bųde dosť za naših móšen

Ako li pijemo mnogo —

Pijani jesmo bez togo

Ale vśegda sų zli ľudi

Každý nas hče da osųdi

Nehaj znajų — za jih trųdy

Svętymi oni ne bųdų

• Artist:Carl Orff
• Album:Carmina Burana