[CB 12] Olim lacus colueram [Greek translation]

Olim lacus colueram,

olim pulcher exstiteram,

dum cygnus ego fueram.

Miser, miser!

modo niger

et ustus fortiter!

Girat, regirat garcifer;

me rogus urit fortiter;

propinat me nunc dapifer.

Miser, miser!

modo niger

et ustus fortiter!

Nunc in scutella iaceo,

et volitare nequeo;

dentes frendentes video.

Miser, miser!

modo niger

et ustus fortiter!

• Artist:Carl Orff