Caruso [Filipino/Tagalog translation]

dito kung saan nagliliwanag ang dagat

at humihiyaw ang hangin

sa may batalan kung saan mo tanaw

katabi ng Look ng Sorrento

yakap ng lalaki ang isang dalaga

at pagkatapos lumuha

ay hinawing maayos ang tinig

upang muli ay umawit

pinakamamahal kita

kung alam mo lang sobra talaga

ito'y isa nang tanikala

tila apoy na nananalantay

dumadaloy sa aking katawan

nakita niya ang liwanag sa laot

sa isip niya bumalot ang mga gabi niya sa Amerika

pero yun naman pala

lamparang dala ng mga namamalakaya

maputi sa may likuran ng bangka

naramdaman niya ang kirot sa musika

nang siya'y tumindig sa may piano

at nang nakita niya ang buwan

na sumisilip mula sa alapaap

parang naging matamis na rin ang mamatay

tinitigan niya ang dalaga sa kanyang mga mata

dalawang luntiang mata tulad ng dagat

at bigla na lang siyang napaluha

parang nalulunod ang pakiramdam niya

pinakamamahal kita

kung alam mo lang sobra talaga

ito'y isa nang tanikala

tila apoy na nananalantay

dumadaloy sa aking katawan

ang kapangyarihan ng mga talatang kinanta

kung saan huwad ang lahat ng drama

ngunit sa kaunting panlagay sa mukha

at sa sining ng pag-arte

kakayaning mong maging ibang tao

ngunit ang dalawang matang nakatitig sa iyo

masyadong malapit at totoong-totoo

nalimutan mo na tuloy ang mga talata

lahat lumiit at nawalan ng halaga

at ang mga gabing nilagi sa Amerika

pagdaka ang buhay ay iyong nakita

diyan sa maputi na likuran ng bangka

at diyan na rin natatapos ang buhay

at di niya masyadong alintana

bagkus naging masaya pa siya

at itinuloy ang kanyang pagkanta

pinakamamahal kita

kung alam mo lang sobra talaga

ito'y isa nang tanikala

tila apoy na nananalantay

dumadaloy sa aking katawan

• Artist:Lucio Dalla
• Album:Dallamericaruso (1986)