C'est toujours la même histoire [English [Scots] translation]

I kennt weel the laddie wha chaunced on the lassie

I kennt weel the lassie wha smiled tae the laddie

La la la

He speirit at her for thread an needles

For tae stek a hert on his hodden coat

La la la

She gied it a' baith thread an needles

And than her lassies hert forby

{owerwird:}

It's aye the sel an same auld sang

haurdlins daur I be crackin wi ye o't

I makt on tae trow the tale

Nou ye mak on tae herken tae't

Than I saw the lass mak feingit Sabbaths

tae be dancin lue in her jo's airms

la la la

An lue war pure, gin life war jonick

The micht a lued a gey lang while

la la la

Whan first he lee'd she didna want tae twig

but she wantit tae hing hersel the day he wis awa aff

{owerwird}

I kennt weel the laddie wha forleetit the lassie

I kennt weel the lassie wha grat for the laddie

ah ah ah

She grat a lang while an frae fore-end tae feenish

her greetin wis gettin eildit bu wisna gettin cuirit

ah ah ah

Her hert wiz after taein a mort cauld

It's waur nor wat ye'll be premeesin

Masel, I ken it fine weel

The lassie, I wiz she.

• Artist:Édith Piaf
• Album:CD Single