Anema e core [Korean translation]

Nuje ca perdimmo 'a pace e 'o suonno,

nun ce dicimmo maje pecché?

Vocche ca vase nun ne vonno,

nun só' sti vvocche oje né'!

Pure, te chiammo e nun rispunne

pe' fa dispietto a me

Tenímmoce accussí: anema e core

nun ce lassammo cchiù, manco pe' n'ora

stu desiderio 'e te mme fa paura

Campá cu te,

sempe cu te,

pe' nun murí

Che ce dicimmo a fá parole amare,

si 'o bbene po' campá cu nu respiro?

Si smanie pure tu pe' chist'ammore,

tenímmoce accussí anema e core!

Forse sarrá ca 'o chianto è doce,

forse sarrá ca bene fa

Quanno mme sento cchiù felice,

nun è felicitá

Specie si ê vvote tu mme dice,

distratta, 'a veritá

Tenímmoce accussí anema e core!

nun ce lassammo cchiù, manco pe' n'ora

stu desiderio 'e te mme fa paura

Campá cu te,

sempe cu te,

pe' nun murí

Che ce dicimmo a fá parole amare,

si 'o bbene po' campá cu nu respiro?

Si smanie pure tu pe' chist'ammore,

tenímmoce accussí anema e core!

• Artist:Tito Schipa
• Album:«I classici della musica neapolitana» (1967)