Aşk da'vîsin kılan kişi hîç anmaya hırs u hevâ lyrics

Işk dâvîsin kılan kişi hîç anmaya hırs u hevâ

Işk evine girenlere ayruk ne meyl ü ne vefâ

Girçek âşık olan kişi anmaya dünyâ-âhiret

Âşık degüldür ol kişi yüriye izzeti kova

Her kim izzetden geçmedi âşıklık bühtândır ana

Hergiz girdügi yok durur ışkıla izzet bir eve

Diliyile ışk diyenler bilmediler ışk neydügin

Benim cevâbum sen eyit ışka izzet midür bahâ

İzzet ü erkân kamusı bunlardur dünyâ sevgüsi

Işkdan haber eyitmesün kim dünyâ izzetin seve

Dünyâ vü izzet ışkıla bunlar sâz-kâr olmadı

Vallah nükte benüm degül ışk hâzırdur görmez revâ

Her kimde kim ışk varısa ayruk ne sıgar ol yire

Dost döşegine geçemez at u katır yâhûd deve

Bu cümle âşık olanlar ışkıla geldiler bile

Müşâhedeye gark olan düşmeyiserdür ol ava

Yûnusı âşık diyüben zinhâr özenüp gelmenüz

Çok bezirgân ziyân ider varıcagız ırak çava

• Artist:Yunus Emre