The Flower of Northumberland lyrics

The provost's daughter was walkin alaine,

O but her love ‘twas easy won

When she heard a Scots prisoner a makin his mane

An she was the flouer of Northumberland

And it's o gin a lassie wad marry me

O gin her love ’twas easy won,

I wad mak her a ladie o high degree

E'er she'd lowse me out o' this prison sae strang.

An she's dune her ben tae her faither's bedstock,

O but her love ’twas easy won,

An she's stolen the keys for many brave locks,

Tae lowse him ben from his prison sae strang.

An she's dune her ben tae her faither's stable,

O but her love ’twas easy won,

An she's stolen the steed that wis baith fleet and able

Tae harry them on tae bonnie Scotland

As they were a-riding across the Scots muir

He said, O but yer love ’twas easy won.

Gae doun frae my horse, ye're a brazen-faced hope,

Altho ye're the flouer o Northumberland

For it's I have my wife in my ain countrie,

O but yer love ‘twas easy won,

An I cannae dae naethin wi a lassie like ye,

So ye'll need tae gae back tae Northumberland

A cook in yer kitchen I surely will be,

Altho my love ’twas easy won,

For I cannae gae hame tae my ain countrie,

Altho I’m the flouer o Northumberland

A cook in my kitchen ye cannae weill be,

O but yer love ’twas easy won,

For my ladie she winnae hae sairvants like ye

So ye'll need tae gae hame tae Northumberland

But laith wis he the lassie tae tine,

O but her love ’twas easy won,

So he's hired a horse an he's hired an auld man

An he's sent her back hame tae Northumberland

Bit when she got in her faither did frown

And said, O but yer love ’twas easy won,

Tae gang wi a Scotsman whan ye're barely fifteen,

An ye were the flouer o Northumberland

Bit whan she got in her mither did smile

And said O but yer love ’twas easy won

But ye're no the first that the Scots hae beguiled

And ye're walcome back hame tae Northumberland

Ye winnae want breid and ye winnae want wine,

Altho yer love ’twas easy won,

And ye winnae want silver tae buy a man wi‘

And aye ye're the flouer o Northumberland

• Artist:The Johnstons
• Album:The Barleycorn