'A fémmena 'e casa lyrics

Aggio accattato ’o ggrano p’a pastiéra

e st’anno vòglio fà na còsa fina!

E po vedimmo si dònna Rusina

pure chist’anno se pòrta ‘a bannèra!

Che ttuósseco me dètte chélla séra!

Chiamma ô marito mio dint’’a cucina,

lle scummòglia ‘o cupiérchio d’a turtiéra

e ttutta se frusciava,’a culumbrina!

Ma che sse pènza? Ca sulamènt’éssa

tène ll’abbelità vicino ê mmane!

St’anno ce pèrde! Ce faccio ‘a scumméssa!

Caccio na còsa, ca a pparòla mia,

quant’è vèro ca simmo crestiane..

si Cafljsce ‘a pruvasse, schiattarrìa!!

• Artist:Ferdinando Russo
• Album:Le videopoesie di Gianni Caputo