Txora lyrics

Manera Nissah, min ka ti t' sinti felis

Sosiedade ti ta kriam um monte sikatriz

Sê bóka ti ta matam, n ka morrê kum kris

Ês ta fazem julgamente ta dzêm más que juiz

N sofri bullying na skóla es txgá dam pankada

Mos kum t' gostá ê ta dzêm n ka presta nem pa ser estuprada

N ka ten dria d'fazê um gorda di nha namorada

Dzapontáda ke vida, n t' fká injuriada

Na rua es ta insultam, kre n ta xinti fea

Bu é gorda minina moda um baleia

N tenta manti forti, p'ês ka odja-me ta rea

Ta txgá na kasa n ta txorá, vontad só

Tra nha roupa e pará na frenti di spedju

Lágu ê bazá, n pidi um dizéju

Oh Deus, d'favor, pará nha sufrimentu

N ka ta guenta es angustia ki n tene pa dentu

Hilário Silva

Ko txora, ko txora

Pa kusa k'ês fala di bu vida

Ka preokupa, bu midjora

Kada dia bô sta más bunita

Bô tem tudu kel ki bu mesti

Dentu di bô i di más ninguém

Ntom ntom ko txora

Desdi mininu min sabi mi é diferenti

Verdadi estava sempri la um palmu na sês frenti

Tudu alguen ta pensa n muda di repenti

N asumi gay, gósi n tem gana sumi

Prekonseitu é txeu ki n ka kre nem sai di kaza

N andá na rua i ês da-me pedrada

Kel ki ta faze-me feliz sa traze-me só mágoa

Am cre ser kel ki mi é sem sofri di nada

Novu dia, ma n ta vivi memu episódiu

N ka podi ser kel ki mi é pamódi sês ódiu

Pa es mundu n ta xinti ki n ka sa preparadu

Pam bem vivi um vida si êl é komandadu

N pensa na suicida, kabá ku nha vida

N xinti mo si n sta num béku sem saída

Kada palavra é más um bráku na nha frida

N ka tem forsa pa-m aguenta, djuda-me nha amiga

Hilário Silva

Ko txora, ko txora

Pa kusa k'ês fala di bu vida

Preokupa ku midjora

Atxa um forma i saída

Bô tem tudu kel ki bu mesti

Teni orgulhu di ken bô é

Ntom ntom ko txora

N ti ta fazê li bu mensajen gósi li

Primere pergunta ki n fazê "mó ki tem alguen si?"

Kapás di mágoa alguén pamódi êl é gorda

Ês ka meresi bus lágrimas, ka bu txora

N sabi ma ês sta sufri, ma n ka tem pena nau

N teni kes alguen ki sa poi xinti só

Só pa sabi nem um d'ês é ka midjor ki bô

Labanta kabésa, tudu sta na bu mon

Bô é diferenti pa um razón

Ês ka sa na bu peli, korta sês opinion

Bô fla ês agrediu pamódi bô é gay?!

Ma nha guenti é keli ké atitudi feie!

Kontinua ta ser sima bu é

Ka bu muda bu kabésa pamódi ninguém

Ka bu muda bu kabésa pamódi ninguém

Hilário Silva

Ko txora, ko txora

Pa kusa k'ês fala di bu vida

Tudu dia bu ta midjora

Tene orgulhu di bu vida

Bô tem tudu kel ki bu mesti

N tem orgulhu di ken bô é

Ntom ntom ko txora

Ko txora!

• Artist:Nissah Barbosa