Tu sola. lyrics

Tu sì tutto pe mmé! Ll’acqua che canta

‘mmiézo a sti scuóglie ’o canto d’ ’e Sseréne;

’o sóle ’e fuóco ca stu munno ammanta,

’o sango ca me scórre dint’e vvéne!

Tu sì tutto pe mmé: nu suónno d’òro

ca ’int’a notte me vène a cunzulà;

e quanno ride pare nu tesòro

chélla vocca ca è nata pe vasà!

Tu sì tutto pe mmé: sì ’o raggio ’e luna

che tanti vvote me fa cumpagnia…

Sì ll’angelo , sì ’a Fata d’ ’a Furtuna,

sì ’a sóla giòia ’e chésta vita mia!

Quanno aggio ditto ca te vòglio bène,

còre d’ ’o còre mio, stamme a ssentì:

te tèngo tuttaquanta dint’e vvéne

e cchiù de chésto nun te saccio dì!!

• Artist:Ferdinando Russo