Stammo int’ aùsto e chiòve. lyrics

Stammo int’ aùsto e chiòve,

nun pare cchiù ’a staggióne:

ma nun me fa ‘mpressióne,

anze me piace.

Me piace st’aria frésca

ca p’a fenèsta trase,

e ca me pare quase

aria ’e ll’autunno.

Me piace si p’a strata,

addo’ nun passa gènte,

io sènto sulamènte

parlà ddóje voce...

Malincunia, tu, fórse

tu, mme l’ hê fatta amà!...

E tu resuscità,

tu ’a faje, staséra...

• Artist:Salvatore Di Giacomo
• Album:Canzóne e Ariètte nòve (1916)