SMS'lər Dünyani Xilas Edəcək lyrics

Mən ulduz olmaq istədim

Mənə dedilər hit yazasan gərək

Ona görə götürüb kağızı, qələmi

Başlayıram nə olar, olar görək

Yazacam bir az oynaq mahnı ki,

banketə, toya məni cağıran olsun

yazacam maşın, qız, pul mövzüsunda

dinləyəcilərim varlılar olsun

yazacam Bakı gözəl şəhər

yazacam inkişafımızdan,

yazacam simsim, pepsi yadaki

səba toyuqları sponsorum olsun

yazacam rep sintez muğamla,

meyxana jazzla, kamanla sazla

kliplər, qızlar, kirayə paltar

veriliş, maqazin qalmaqallar

yazacam 50 cent kimi,

yazacam olmayan tapancamnan

yazacam feat duet kimi,

sevgidən, hansısa əxlaqsıznan

əlini sıxacam üzünə tüpürmədiyim

adamların efirdə məcbur(tfu!)

şit zarafat, düşük mövzülar

birdəki gülümsə efirdə məcbur

yazacam dövlətə yaltaq mahnı,

yazacam reklama alçaq mahnı

yazacam əyləncəli, şən mövzülu

dingildədən axmaq mahnı

verəcəm radiolarakı yüz dəfə verin

hər gün özüm öz mahnıma səs verəcəm

münsiflər heyəti mənə inanın (nola-a-r!)

məni çıxartmayın

gedəcəm yüz, super salon

dəyişəcəm geyimimi, tərzimi

dəyişəcəm dəlləyi, dərzimi

dəyişəcəm qəlbimi, nəbzimi

çəksin kanallar, uşaq evində

pulsuz konsert verirəm

bəs onda niyə çəksin kanallar?!

bunu onlarsızda eləmək olar

əsas uşaqlar

yazacam replərim olacaq dillər əzbəri

beatlərim oynadacaq belləri

baş əyəcəm qarşısında sərxoş kişilərin

fahişələrinin

deyəcəm hər gün efirdə-ə-n

sevirəm səni ey əziz ölkəm

ey əziz pərəstişkarlarım, 666 mənim sms nömrəm

Nəqarət 2x

Hara gedir mənim ölkəm bu gedişnən

bilmirəm mən, amma yenədə ümid var

Smslər dünyanı xilas edəcək!

Nəyi yazmaq olar bildik, bəs nəyi yazmaq olmaz (hə?)

yazmaq olmaz problemlərdən bu ölkədə

hər şey yaxşıdı yaz bu ölkədə

olmaz? deməli yazmayacam

yolum ulduz yoludur azmayacam

olmaz? (baş üstə) deməli yazmayacam

yolum ulduz yoludur azmayacam

yazmayacam qaçqın çadırlarındakı

suya həsrət yetim uşaqlardan

yazmayacam Qarabağ əlillərinin

dilənməyindən, gecə ehtiyacdan

yazmayacam verlişlərimiz düşükdür

çoxu sonra ora məni çağırmazlar

yazmayacam seçimdə pulnandı yarışlar

axı sonra götürməzlər

yazmayacam rüşvətdən

yazmayacam saxta seçkilərdən

yazmayacam başı boş gənclikdən

yazmayacam ardan içkilərdən

yazmayacam Bakı-Ceyhandan

bizə qalan oldu yer altı keçidlər

yazmayacam kimlər nə qədər

pul verib adları sildilər uçotdan

yazmayacam meymunlar ölkəsində

ancaq eşşəklərin var hörməti

yazmayacam boş verlişlərlə yuxusunu

uzatmışıq millətin

yazmayacam oğlanların beynində

ancaq qızları bişirməkdi

yazmayacam futbolçular qışqırır

qələbə, qələbə hesab eyni

yazmayacam qızlar məktəb adıynan

həyatlarını barlarda çürüdür

yazmayacam H.O.S.T radikal təşkilatdı

repiylə siyasətini yürüdür

yazmayacam cəmiyyətimizi bir torbaya yığıb

bastırardım diri-diri

yazacam Azərbaycana eşq olsun

sevinc göz yaşlarım iri-iri

Nəqarət 2x

Hara gedir mənim ölkəm bu gedişnən

bilmirəm mən, amma yenədə ümid var

Smslər dünyanı xilas edəcək!

• Artist:H.O.S.T.