S'istrada 'e sa luna [Italian translation]

In s'istrada 'e sa luna

bi fiat una cria

cun ocros de castanza.

In s'istrada 'e sa luna

unu raju luchiat

in sinnu de isperàntzia,

sinnu de fortuna.

E che frore de iberru

ermosa sa luche

chi juchiat sa pache

in chelos de ferru.

In sa gherra 'e sas gherras

bi fiat unu pitzinnu,

sos pilos nigheddos.

In sa gherra 'e sas gherras

cantaiat un innu

a sos malefadados,

a sas noas terras.

E che bentu, che frore

fiat bellu su risu,

fiat mannu su sole

chi juchiat in coro.

Bi fiat unu pitzinnu

sos pilos nigheddos,

ocros ispantados

e in bucca unu cantu.

In coro 'e sos soldados

bi fiat una cantone,

l'aiat posta Deus.

In coro 'e sos soldados

non b'aiat rejone

a imbentare s'anneu

fruttu 'e dolores mudos.

E che frina de mare

galana sa die,

galana ses tue,

columba 'e abrile.

In coro 'e sos soldados

galana sa die,

galana ses tue,

columba 'e beranu.

Bi fiant duos pitzinnos

intra 'e custu sónniu,

intra 'e custu contu,

fiant bellos che annijos.

In s'istrada 'e fortuna

bi fiant duos pitzinnos,

chi isperas juchiant

a sa luna.

In s'istrada 'e sa luna,

bi fiat una cria

ocros de castanza.

• Artist:Tazenda