A sa zente lyrics

Est s'ora 'e s'arveschida,

su 'eranu incantadu at sa die.

E sa zente si movet

che abba frisca dae montes de nie

in su riu falat riende.

E su re ballat sa dansa.

Canta' a cuncordu,

canta' a s'andir'andiró.

In su mentre s'est bestidu

su manzanu chin bentu e traschia,

ma su nie ladu est frocchende.

E su re tancat sa janna.

Canta' a cuncordu,

canta' a s'andir'andiró.

Pro sa zente mia,

su disizu aìa

de manzanu lughente.

Custu isettu meu,

si lu cheret Deus,

siat ladinu a sa zente.

Cando arvesche' comintzat

sa fadiga, siat sole o siat nie,

ca sa zente no lassat

s'isperantzia, gherrende 'onzi die.

In sa vida colet riende.

No prus re, muru né jannas.

Canta' a cuncordu,

canta' a s'andir'andiró.

Pro sa zente mia,

su disizu aìa

de manzanu lughente.

Custu isettu meu,

si lu cheret Deus,

siat ladinu a sa zente.

A sa zente mia,

luminosa, 'ia,

su manzanu est naschende.

A sa zente mia...

A sa zente mia,

luminosa, 'ia,

su manzanu est naschende.

Pro sa zente mia,

su disizu aìa

de manzanu lughente.

Custu isettu meu,

si lu cheret Deus,

siat ladinu a sa zente.

A sa zente mia,

luminosa, 'ia,

su manzanu est naschende.

• Artist:Tazenda
• Album:Tazenda