Quann'uno è guaglione [Italian translation]

Ma cómme, ch'è 'a licènza elementare?

Nemmanco chélla tèngo. E ca pirciò,

tutt''e mmatine 'e spasso 'mmiéz'ô mare.

Mo 'e mmaledico, mo.

Mo ca nu pato è tuósto e nun lle pare

ca i' fósse nu partito e dice 'e no.

Mannaggia 'e cumpagne,

Mannaggia 'e filóne.

Quann'uno è guaglióne,

nun pènza, ma po'…

N'aggio vennute "Stòria e Geografia".

Tutte campagna e sicarètte 'e tre.

Quanta libbrare stévano a Furìa,

mme sapévano a mme.

Guaglióne, aggiu perduto 'a vita mia.

Mo, giuvinòtto, sto' perdènno a tte.

Mannaggia 'e cumpagne.

Mannaggia 'e filóne.

Quann'uno è guaglióne

nun pènza, ma po'…

Ma, si nun tèngo 'o studio o n'arte ê mmane,

tèngo nu còre ca vo' bène, sì.

E, si ògge nun è, sarrà dimane,

pecché vòglio accussì.

Ma, quanno è tanno, nun m'accatto 'o ppane,

ma 'o piccerillo â scòla m'o pòrt'i'.

Mannaggia 'e cumpagne.

Mannaggia 'e filóne.

Quann'uno è guaglióne

nun pènza, ma po'…

• Artist:Vittorio De Sica