Putain de toi [Breton translation]

D'an amzer-se veven el loar,

berzet oa ouzhin plijadurioù ar bed-mañ.

Hadañ a raen treid-ebeul, kanañ a raen evit ur siseurt

hag ec'h astenne ma fav d'ar c'hizhier dianket.

Diskan:

A-a-a-ac'h! Gast ma 'z out!

A-a-a-a-a-ac'h! Paour-kaezh ma 'z on!

D'un abardaez a c'hlav, setu ma skraber ouzh ma dor:

A-herr e tigoran (ur c'hazh ouzhpenn e oa, moarvat)

Nondedistag! Nag ur kaer a loen-kazh a zegas din an arnev!

Te oa 'n hini, te oa 'n hini, te oa 'n hini...

(Diskan)

Faoutet da zaoulagad a-skizh, liv pistach dezho,

lakaet ez peus da bav voulouz war ma c'halon.

Dre voneur evidon, n'ez poa ket a vourroù

ha n'oa ket pounner-tra da vertuz.

(Diskan)

D'ar pevar c'horn eus ma buhez termaji

ez peus pourmenet, pourmenet flammenn da ugent vloaz,

hag evidon, evit ma c'hizhier, evit ma bleunioù, ma barzhoniezh

te a oa an hini a rae o amzer fall pe hinon.

(Diskan)

Met tremen a ra an amzer ha falc'hat en disgwel.

A-vec'h e tareve hor c'harantez, pa

zeviñ a raes ma c'hanaouennoù, tufañ war ma treid-leue

hag ober traoù kriz ouzh ma c'hizhier.

(Diskan)

Ha gwashañ pezh 'zo, lousken ifam,

o vezañ ma ne chome tra er c'hradailh,

diredet out divezh-kaer, hag en eskemm d'un drañchenn kig leue

en em strinkis e gwele ar c'higer.

(Diskan)

Achu oa ar jeu: dreist ar roudenn 'oas aet.

Dilezel a ris karantezioù skañv ar bed-mañ

hag adpignat d'al loar en ur gas ma c'herniel ganin,

ma c'hanaouennoù, ma bleunioù ha ma c'hizhier.

• Artist:Georges Brassens
• Album:Les sabots d'Hélène