Pure tu! [Italian translation]

Pure tu, cómm' a mme, si’ gelósa

e annascunne ‘int’o còre sti ppéne,

e t’ abbasta na spina ’e na ròsa

p’ allummà tutt’o sanghe int’e vvéne!

Dint’ all’ uócchie te passa ’o suspètto,

nun me cride, nun vuò cumpatì...

Cómme a mme, cu sta sèrpa ‘int’ô piétto,

pure tu si’ nu pòco accussì!

Si pe caso me vide scuntènto

o me liégge ‘int'a ll’uócchie appannate

ca sto’ scuro, ca smanio, ca sènto

ciénto lame a stu còre appezzate;

si t’adduóne ca 'e llàcreme fanno

na fatica pe nun cumparì,

cómm’ a me, c’assaporo l'affanno,

pure tu si’ nu pòco accussì!

Pure tu, pure tu ! Simmo fatte

cu nu còre e cu n’ànema sóla!

E stu còre ‘int’ô piétto nce sbatte

pe parlarce na stéssa paròla!

Sóle e neve, surriso e suspètto;

primma ’e te, dòppo ’e te, niente cchiù...

Damme ’a vócca ! E cantammo a duètto :

« Si’ nu póco accussì pure tu ! »

• Artist:Ferdinando Russo