Psalm 92 lyrics

‏1 מזמור שיר ליום השבת

‏2 טוב להדות ליהוה ולזמר לשמך עליון

‏3 להגיד בבקר חסדך ואמונתך בלילות

‏4 עלי עשור ועלי נבל עלי הגיון בכנור

‏5 כי שמחתני יהוה בפעלך במעשי ידיך ארנן

‏6 מה גדלו מעשיך יהוה מאד עמקו מחשבתיך

‏7 איש בער לא ידע וכסיל לא יבין את זאת

‏8 בפרח רשעים כמו עשב ויציצו כל פעלי און להשמדם עדי עד

‏9 ואתה מרום לעלם יהוה

‏10 כי הנה איביך יהוה כי הנה איביך יאבדו יתפרדו כל פעלי און

‏11 ותרם כראים קרני בלתי בשמן רענן

‏12 ותבט עיני בשורי בקמים עלי מרעים תשמענה אזני

‏13 צדיק כתמר יפרח כארז בלבנון ישגה

‏14 שתולים בבית יהוה בחצרות אלהינו יפריחו

‏15 עוד ינובון בשיבה דשנים ורעננים יהיו

• Artist:King David