პაწაწინა სამოთხე [Patsatsina Samotkhe] [English translation]

როგორც ჩიტი გალიაში,

როგორც მუჭში პეპელა

ფრთხიებს და ჩუმად ფეთქევს,

სიცოცხლის სანთებელა.

რა ბედის ხარ, რა ვარსკვლავის?

სულ შენა ხარ სამიზნე,

ნურცერთ ისარს ნუ აიცდენ,

გულო, სანამ გამიძლებ.

ეს რამხელა, რა უძირო

და რა გამძლე გამოდექ,

ჯოჯოხეთის დამტეველო..

პაწაწინა სამოთხევ.

თვითონ ღმერთი, წამებული,

შენ ერთს გწყალობს ისევე,

მხოლოდ გულში განისვენებს,

მხოლოდ გულში ისვენებს,

გულო სანამ გული გქვია,

გულო უნდა მტკიოდე

გულო უნდა მიერთგულო,

მიმყვე საიქიომდე..

ეს რამხელა, რა უძირო

და რა გამძლე გამოდექ,

ჯოჯოხეთის დამტეველო..

პაწაწინა სამოთხევ.

• Artist:Gela Guralia