'O 'mbriaco [Italian translation]

Tu vi‘ che faccia allèra tène ʹo muórto!

Sanghe de ddiéce (1), e chisto è nu triato…

Dàteme tuórto si m’aspètta ‘o ttuórto,

Ma po’ stà allèro uno ch’è trapassato?

‘Ntiémpo ‘e tempèsta ògne pertuso ‘e puórto,

e sissignòre, chésto è già assodato.

Ma allóra vène a ddì ca, dritto o stuórto,

Il catàvero già s’è rassignato?

Ed io ca sóngo un èssero vivènte,

Sanghe de ddiéce, i’ magno pane e ffèle,

mèntre il difunto campa alleramènte?

Ca si ‘o fatto ‘e murì è na còsa allèra,

Mo sa’ che faccio? Stuto sti ccannéle

E me cócco c‘o muórto. E bonaséra.

• Artist:Libero Bovio