نفح باريس [Nafh Paris] [Transliteration]

قزّرت عمري راجيٍ في هواهم

هَل العيون المِدعجة والنِّواعيس

والله لو يـدرون ما أكبر غلاهم

حبٍ مخلّد حب هالعامري قيس

والود لو يَخطب خطبهم وياهم

تـنصا مـهور بعرشها درّ بلقيـس

يا ليتني روحـي بمِعزَل حذاهم

وبابٍ تسكَّر بـه بقـفـل المَناديـس

وأضم ثوبٍ خـامـرٍ بـه شـذاهـم

يـفـوح معتوق العطر نَفح باريس

الخود تِبـعٍ مـاشيـات بـذراهــم

يزهى عـجيـد الخِـرّدات بْمـلابيـس

جَمع الغُوى ورْزومها من صباهم

والمشي ياللي مِنْه تَبطر طُواويس

أطير مثل الحـرّ ، حومي سمـاهم

وتداعب الـوجنة هبـوب النسانيس

يالله تسمع بالـعبـاد ونـداهــم

وتَـحفظ خِليـلٍ بالملا ماله جْنـيـس

لا غابوا أرقب عن خبير بنـباهـم

وإن ما لفوني سامَرتني وِساويس

وأعــدّ ليــلٍ دون طلّـة بـهـاهم

حتى فــوادي لاعِـبتـه الهـواجيس

يدرون بانّي طحت مـوت بهواهم

اللي غـلاهم فاق كـل المقـاييـس

• Artist:Hussein Al Jasmi