Ná darvánii jáhkku [English translation]

Go mánná mon ledjen ja skuvlii mon álgen

In gávdnan in sáni go dárustit álgen

ja jalla ja heittot mon iežan mielas orron

go ohppen ahte eatnigiella ii mange veara lea

Ná darvánii jáhkku ahte sápmi lei heittot

Go boarráset šadden ja máilbmái vulgen

in muitalan goasge ahte sápmelaš ledjen

ja čaibmen singuin ovttas geat bilkidedje sámiid

vaikko dovden ahte iežan mun eanemusat sorden

Ná darvánii jáhkku ahte sápmi lei heittot

Dál vikkan fas ohcat maid dán rádjái láhppen

ii oro mus giella ii dáro ii sáme

dan dihte mon rávven du sámi nuora

váldde vára iežat giela dasgo giella lea fápmu

Ale šat jáhke ahte sápmi lea heittot

• Artist:Mari Boine
• Album:Jaskatvuođa maŋŋá