من دەڵێم [Min dellêm] lyrics

من دەڵێم: شاری دڵم باغ و گوڵستانە کەچی

ئەقڵ ئەڵێ: نا، پەسەنە شۆڕشی مەستانە نەچی

من دەڵێم: نوختەیی ئەو ڕەوزەنی ئیمانە دەچم

ئەو دەڵێ: نا، ڕەشە، جێ ڕاوگەیی شەیتانە نەچی

من دەڵێم: مەسکەن و ئارامگەیی جانانە دەچم

ئەو دەڵێ: سەربەسەری تێك چووە، وێرانە نەچی

من دەڵێم: جێگەیی ھەر شێت و جنوونانە دەچم

ئەو دەڵێ: کون کونە جێگەی سەرە پەیکانە نەچی

من دەڵێم: مەرکەزی ئەسراری حەریفانە دەچم

ئەو دەڵێ: جێ تەمەعی چاوی حەسوودانە نەچی

من دەڵێم: وەختی خەتەر مەئمەن و قەڵغانە دەچم

ئەو دەڵێ: نا، زەدەیی پەنجەیی پەریانە نەچی

لەم ھەموو چوون و نەچوونە سەری سووڕ ما «کامیل»

من دەڵێم: جوانە دەچم ئەو دەڵی وا جوانە نەچی

• Artist:Nasir Rezazî