Milagros [English translation]

Che fritza fadada deretu a su coro

atzesu at milli istinchiddas de oro.

Dogni puzone chi a chelu est pigadu

sa prus bella cantone pro me at intonadu.

Su mare chi fit in tempesta costante

firmadu at sas undas cuss’ora bastante

chi ojos de amore l’èsseren bidu

sa bellesa rara de s’infinidu.

Gustos arcanos m’invadin sa mente,

m’alluen in coro su chelu lughente

de crineras mizas, de ‘ortas chentu

che in sa notte de Santu Larentu.

Su chi non tenzo deo bramo,

su ch’est atesu amo.

Pretziosu a su coro, amore sagradu,

torro a sa vida ca t’apo incontradu,

che sole m’allues in s’arbéschida,

sa manu a sa mia as como intritzida.

Lichida sa ‘ucca tibia, lizera

supra sa mia durche, incantera.

Pro totu s’amore chi dadu mi as

felice e serena potho morrer cras.

Gustos arcanos m’invadin sa mente,

m’alluen in coro su chelu lughente

de crineras mizas, de ‘ortas chentu

che in sa notte de Santu Larentu.

Su chi non tenzo deo bramo,

finas dae tesu t’amo.

Che fortza majarza prenetas in mene,

finas dae tesu apo a èsser cun te.

Perdònami, amore, non potho aguantare

totu sa vida si non potho amare

a tie.

• Artist:Maria Luisa Congiu